Règ Konfidansyalite

Dènye Mizajou: 09/Janv/2026

Règ Konfidansyalite sa yo eksplike kijan Bous Gourdes token ("Nou", "Sèvis la", "Platfòm nan") kolekte, itilize, pwoteje, ak pataje enfòmasyon ou yo lè ou itilize aplikasyon nou an. Nou pran konfidansyalite ou trè serye epi nou angaje nou pou pwoteje done pèsonèl ou.

Pwen Enpòtan yo

Nou pa estoke kle modpas ou nou ka bloke kont ou pou sekirite nou

Nou pa vann done ou bay twazyèm pati

Ou gen kontwòl total sou done ou yo

Tranzaksyon yo vizib piblikman sou blockchain ak aplikasyon an

Enfòmasyon Nou Kolekte

Bous Gourdes Token ka kolekte diferan kalite enfòmasyon pou amelyore eksperyans ou:

Enfòmasyon ou bay dirèkteman

Non, adrès imel (si ou kreye yon kont)
Nimewo telefòn (pou verifikasyon)
Peyi, dat ou fet, kote wap viv
Preferans ak paramèt ou chwazi

Enfòmasyon nou kolekte otomatikman

Adrès IP
Tip aparèy ak sistèm operasyon
Aktivite sou aplikasyon an
Done pèfòmans ak erè

Enpòtan: Nou PA JANM kolekte fraz sekirite (seed phrase), oswa modpas kont ou.

Kijan Nou Itilize Done Yo

Nou itilize enfòmasyon ou yo pou:

Objektif	Deskripsyon
Sèvis	Bay ou aksè nan Bous Echanj lan ak tout fonksyon li yo
Sekirite	Detekte ak anpeche fwod oswa aktivite ilegal
Amelyorasyon	Analize itilizasyon pou amelyore aplikasyon an
Kominikasyon	Voye ou notifikasyon enpòtan ak mizajou
Sipò	Reponn kesyon ou ak rezoud pwoblèm

Pataj Enfòmasyon

Nou ka pataje enfòmasyon ou yo nan sikonstans sa yo sèlman:

Ak konsantman ou: Lè ou bay pèmisyon eksplike
Sèvis twazyèm pati: Pou fonksyon espesifik (analytics, sipò)
Obligasyon legal: Lè lalwa egzije sa
Pwoteksyon: Pou anpeche fwod oswa pwoteje dwa nou

Nou PA JANM vann, lwe, oswa kòmèsyalize done pèsonèl ou bay twazyèm pati pou rezon maketing.

Sekirite Done Yo

Nou itilize plizyè metòd pou pwoteje enfòmasyon ou:

Chifraj: Tout done sansib yo chifre pandan transfè ak estokaj
Aksè limite: Sèl anplwaye otorize gen aksè sou done
Sèvè sekirize: Enfrastrikti nou pwoteje kont atak
Verifikasyon: Sistèm deteksyon aktivite sispèk
Odit: Evalyasyon sekirite regilye

Menm ak tout mezi sekirite sa yo, pa gen sistèm ki 100% sekirize. Ou responsab pou pwoteje modpas ou ak fraz sekirite ou.

Blockchain ak Transparans

Lè ou fè tranzaksyon ak Bous Gourdes Token, ou dwe konprann ke:

Tranzaksyon blockchain yo piblik ak irevèsib
Adrès wallet ou ak balans ou vizib sou blockchain Solana
Nenpòt moun ka wè istorik tranzaksyon yo sil gen rapo ak kripto
Nou pa gen kontwòl sou enfòmasyon ki sou blockchain lan

Sa a se nati teknoloji blockchain la. Asire ou konprann sa avan ou fè tranzaksyon.

Cookies ak Teknoloji Similè

Nou ka itilize cookies ak teknoloji similè pou:

Kenbe sesyon ou ouvè
Sonje preferans ou
Analize kijan ou itilize sèvis la
Amelyore pèfòmans aplikasyon an

Kalite Cookies

Esansyèl: Nesesè pou aplikasyon an fonksyone
Analitik: Ede nou konprann itilizasyon
Preferans: Sonje chwa ou yo

Ou ka jere cookies nan paramèt navigatè ou oswa aparèy ou.

Dwa Ou Genyen

Dwa Aksè: Ou gen dwa mande pou wè ki done nou genyen sou ou
Dwa Efasman: Ou ka mande pou efase done ou (nan limit posib)
Dwa Pòtabilite: Ou ka resevwa done ou nan yon fòma estandè
Dwa Opozisyon: Ou ka refize sèten itilizasyon done ou

Retansyon Done

Nou kenbe done ou pandan peryòd sa yo:

Done kont: Pandan kont ou aktif, plis 30 jou apre sipresyon
Done tranzaksyon: 5 an (obligasyon legal)
Done analitik: Jiska 2 an
Done sipò: 1 an apre rezolisyon

Apre peryòd retansyon an, done yo efase oswa anonimize konplètman.

Timoun yo

Bous Gourdes Token pa fèt pou moun ki gen mwens pase 18 an.

Nou pa kolekte done timoun yo entansyonèlman
Si nou dekouvri nou gen done yon timoun, nap efase yo imedyatman
Paran oswa gadyen ka kontakte nou pou retire done

Si ou se yon paran epi ou panse pitit ou itilize sèvis nou san pèmisyon, tanpri kontakte nou imedyatman.

Chanjman nan Règ Konfidansyalite

Nou ka mete ajou Règ Konfidansyalite sa yo tanzantan. Lè nou fè chanjman:

Nap mete ajou dat "Dènye Mizajou" nan tèt paj la
Pou chanjman enpòtan, nap notifye ou pa imel oswa notifikasyon
Kontinye itilize sèvis la vle di ou aksepte nouvo règ yo

Nou rekòmande ou tcheke paj sa a regilyèman pou rete enfòme sou nenpòt chanjman.

Kontakte Nou

Si ou gen kesyon oswa enkyetid konsènan konfidansyalite ou, tanpri kontakte nou:

gourdestoken.com support@gourdestoken.com